在家升級臉部＋身體療程，打造ELEMIS五星級酒店Facial體驗

夏天成日出汗、又焗又熱，加上返工壓力大、冷氣房乾到爆，皮膚好容易出現暗啞、缺水、鬆弛問題。去美容院做facial？又貴又要預約，仲要出門，真係講唔上輕鬆。

不如試吓轉個角度，用ELEMIS嘅高效護膚產品喺屋企打造一套五星級Home Spa，輕鬆由頭靚到落腳，日日都可以享受英倫水療級享受！以下推介4件ELEMIS皇牌產品，幫你打造一個由臉到身嘅居家護膚儀式，舒壓同時修護肌膚，重拾光澤彈性，真．識嘆就係咁！

由「卸妝」開始的身心放鬆儀式
ELEMIS骨膠原無花果卸妝膏
Green Fig Cleansing Balm

卸妝，不單止係清潔，更係幫自己reset心情嘅重要一環。呢款無花果卸妝膏一打開已經聞到地中海果林香氣，無花果加紅莓、佛手柑，簡直係用鼻去旅行！

質地一開始係膏狀，推開會溶成油，溫水一加即變乳狀，溫和又乾淨，唔會乾、唔會繃，反而有滋潤感，仲可以每星期敷面10分鐘當深層清潔mask，卸妝＝Me Time，日日都值得期待。

． 3重質地：膏 → 油 → 乳
．無礦物油配方，卸妝同時護膚
．適合所有膚質，香氣超治癒

白天抗壓救星
ELEMIS骨膠原全效修復日霜
Morning Matrix

每日朝早一搽，幫肌膚著上「防護衣」。呢支日霜針對都市生活帶嚟嘅壓力肌問題，特別適合返工對住電腦成日受藍光攻擊嘅香港人。加入咗地中海海扇藻發酵物、薑黃、茵陳蒿等強效抗氧成分，幫肌膚對抗藍光傷害、減淡細紋、重現緊緻彈性。

質地滋潤但唔焗身，香港夏天都用得安心。臨床證實減紋同提升彈性都有明顯效果，唔用真係走寶。

． 經臨床驗證減少細紋、皺紋
． 有效改善肌膚緊緻度與彈性
． 抵抗藍光、舒緩壓力肌

長效保濕＋緊緻亮肌
ELEMIS骨膠原海洋精華乳霜
Marine Cream

如果你想短時間見到皮膚改善，呢支海洋精華乳霜真係皇牌中嘅皇牌。用咗兩星期，肌膚皺紋可以減少高達78%、水分提升45%，效果夠晒快、夠晒實感。

蘊含海藻Padina Pavonica、銀杏葉同脂質體，強效保濕、促進膠原增生。質地柔滑唔油，適合任何膚質，連敏感肌都讚好。

． 15日內見效
．鎖水 + 緊緻 + 提亮
． 晨早或夜晚都用得

身體都唔可以忽略！
ELEMIS日本茶花潤膚油
Japanese Camellia Oil Blend

面部護膚做得好，身體都要keep住同樣質感！呢支山茶花潤膚油滋潤之餘極易吸收，搽完即刻覺得皮膚滑一級，唔油唔笠，仲可減淡細紋、妊娠紋，係懷孕中或產後媽媽嘅摯愛。連Victoria Beckham都係佢fans，話晒都生過三個都話有效，信心指數滿分！

呢支潤膚油無香料、無刺激，嬰兒、孕婦、敏感肌都啱用，真正做到由頭靚到落腳，內外都感覺溫柔呵護。

．日本山茶花油，天然植物膠原蛋白
．含超過86%油酸，快速滲透肌膚
．無香料，敏感肌或孕婦都適用